الشعر العراقي من اجمل الكلام القيم المعبرعن الاب ، لهذا جمعنا لكم ابيات شعر عن الاب عراقي يتم فيها رثاء الاب المتوفي ، وموضحا فيها فضل الاب ، بجانب قصيدة مميزة شعرية من الشاعر كريم العراقي عن الاب.
محتويات
شعر عن الاب عراقي شعبي حزين
ابوي اشكد حنون ايفيض وجدان وابوي اصحابه تتباها ابصفاته كريم يجود حتى بلكمة اعشاه وقف للناس نذر كل حياته اذا يسمع طفل فد يوم جوعان توكف لكمته ابطارف لهاته من يوقف يصلي تفيض الدموع اوتصير بدموعه سجادة صلاته يشماغه بخت وعقاله شارات صر هموم ربعه السد عباته شريعة تشع أمل وشراع بالريح لجل الناس ناكر دوم ذاته وابوي الغيره عنده جروف نهران منها اصحابه تغرف والشماتة وابوي اشيكصي وكته ايكوم تفاك يتوچه اعلى جرحه ابكل رهاته سمح يلكه العذر لليخطي وياه عفه اوحلمه چرچوبة سماته ما سد باب جوده اوشحة الجود عنوان الكرم كل ذكرياته كل شبه المضيفة اعدال ديوان غاص امن الزلم حتى مماته وابوي الخير بيده اشكرك يزود مثل حرب العراق اومي فراته.
ماردت القدر يبعدني عنك يوم وماردت السعادة تعوف بيباني ياليل ألامان الماتمرّه غيوم ويا حضرة حنين بحظنه دفّاني ياأجمل قصيدة وبالوزن محكوم ويا أروع ندى اعلى أوراق بستاني يانبع الكرم محتاجتك هاليوم مو تدري بغيابك طاحت أركاني ياأجمل حلم وسط الجفن مرسوم رحت والصور ظلت فوك حيطاني الك حنيت يابوية اعلى بختك كوم عفتني ويتمتني وضاع عنواني أفز من نومي وأسمع صوتك المهموم وأفكدك وأرجع أغرك ويه أحزاني صرت أنعاك وأبجي اعليك من دموم وآنه القلم صار اليوم ينعاني ردت أشريك بس اشبيدي ع المقسوم يا فركاك هبّط راسي واذاني بس انته أصبحت طير بجنان يحوم وهذا الذي مسّكن نوحي وأشجاني.
شجاك استعجلت بويه أمنيتك وابشرك بويه ولدك صاروا رجال ويسألني عليك شكد حفيدك وعلى وحسوني كبروا هاي السنين حسافه ما شلتهم بويه بيدك واباوع صورتك يوميه بلبيت عمر يابويه ومانسيتك اني اذكر غناك وشعرك وياي هويت الشعر بويه وما حويته وشفتك بويه كاعد حيل مهموم وكتلك بويه احجي وخلفيتك تعبت هواي بويه وعمرك نباك العمر لو ينشرا بويه اشتريتك قضية احنه بحياتك وانت مسؤول وتكبرنه بشرف جانت قضيتك واذكر مره امي زعلت وياك تتعثر كنت بويه بمشيتك وهسه كلبك نطاك تعوفه شلون وتعوف امي وتمشي هيه هاي نيتك مافكرت بيه اخلاقك تموت الهلال بعمرها وهي عيدك الوكت والوكت يابويه حيل وياي خوان خذاك انت ويريد ليوم خوان عمامي هواي عندي وعندي اخوان مثل كلبك جذب ماحن عليه لان بويه يتيم الحال ضليت وترى حال الهضم يابري حالي واصفن واكولن باجر يعود يا بوي استغفر الله شجرالي حلم ارجع لو اشوفك وياي بس باقي بروحي وخيالي يابويه مودع الله وهاي دنياي خذت مني العزيز لجان غالي اخي وصديقي واحلى محبوب يا شمعة وعز دلالي ابو ونعمه لابو كفيت وياي وبداوم للشعر وحسكة مثالي فخر يا والدي يا اروع انسان عهد مني دوم تمر على بالي ولا تبقه تفكر ونام مرتاح تره بجف الصبر الوي ليالي
شعر كريم العراقي عن الأب
كم أشتاقُ أيام أبي ذلك الرجلُ الرهيب العصبي العصبي إنه أورثني الحزن. ولكن مدّني..بالعزم والعزة والصبر الأبيّ فحملت العِبء طفلا ودُموعي لُعَبي.. وبكى حين رآني ناجحاً ورِضى عينيه أطفى تعبي إنما كان أبي قاسيا فعلاً. ويُخفي نهر حبٍّ عذِبِ قلبه قلبُ صبي، صبره صبُر نبي رحم الله أبي. رحم الله أبي
