البصرة مدينة عراقية جميلة بها الكثير من الامتيازات التي جعلت منها مدينة خاصة جدا ، كما تمثل دور كبير في النشاط الاقتصادى الخاص بالعراق ، ويعرف دائما عن سكانها بالطيبة والأصل وحسن الخلق ، لذا جمعنا لكم أجمل ما قيل عن البصرة داخل موقعنا.
محتويات
اجمل ما قيل عن البصرة
- وفي البصرة الفيحاء كل جراحنا تلم ومنها يقبل الفجر زاهيا
- يا بصرة الشوق المخضرم بين ولدان وحور
- بصرتي الغناء مهلا أننا قد سعينا في نضال وعنا
- وأطل الصباح في البصرة الفيحاء والشط قد بدأ مورا
- فاصبروا مدينة الرب التي تحرسها الأنهار
شعر قصير عن البصرة
صدك شطك يبصره مزاعل الماي؟ وصدك من العطش تبجي البساتين؟ صدك تاه الدليل وضيع الرأي؟ وشله مركب هوانه ونام على طين؟ وصدك حملك وكع ويريد تجاري ؟ لجن أهل البيت كلهم مساجين؟ صدك درب الكلافه ماله شراي؟ وعلى دروب المشوار بعدج تنانين؟ صدك طولج مصر ويريد مشاي؟ اذا ردت على صفحتكم تعبرين؟ صدك حيلج وكع والتطلب اهواي؟ وتعفين اعل حدج من تنطرين؟ صدك كدروا عليج وحكموا اعداي؟ وانه الظنيت عمرج ما تذلين؟ كبر حزنك عليج وصار نهائي وحلف بجفوف سعد ماتصيرين غدوا اهلج ضعن والموت حداي وانتي مهدي هدومج تلطمين صدك عشارج بلواه محتار؟ وصدك حزنان يبجي حي الحسين؟ صدك بطل بعد سياج اشعار ؟ وهذه النار الزعل كل الدواوين؟ وايامج لطم عاشور جن صار؟ وجنسه انكتل يا بصرة الحسين؟ صدك بيج الجهال الساعة العيد؟ يعايدها الدمع ويجرح الخدود؟ وصدك محد يحط عيديه بالايد؟ وشباج الفرح ليهسه مسدود؟
آنه البصره المدينه الفاضله الفيحاء آنه الكثر الدمع سولف مصايبها آنه الحلوه الرقيقه الفاتنه السمراء آنه المايوم كرهنها حبايبها آنه العندي كصايب من نخل جيكور وآمس بآخر حرب كصو كصايبها آنه المحد لمسني وآنه بنت بيوت لجل ضلي زلم لزمت شواربها جم مستكشف ومستشرق ورحال سولف ماكدر يحصي عجايبها آنه كبل المدن وبزغ خيط النور يجي خيط الشمس بخدودها آيحبها آنه المالحة الغزيرة البذات ياكل خيرها وبليل ينهبها آنه حروف أبجدية من الألف للياء وكل علم النحو ماكدر يعربها آنه الوكلت جاري التمر والجمار وعيالي كلو بس من نوايبها آنه حنت الفاو بجف المعرسات تطهين فرح ودموعها بخدها ركضت بلا وعيه وساعدت الطاح طحت محد ركض لي وكل اساعدها اسعد بالتبرع بأول الأسماء بس وكت العطايا محد أعدها آنه أم الصدر أم الفزع خيال هد بغيرته ومارضه ألبومها سستانيه آني و كاظمة غيض والسستاني آبوها وخالها وجدها آنه مريم العذراء بالكنيسة تنام مد أيده المسيح وكام كعدها آنا ماقصرت بالواحد وتسعين انطيت الولد من قبل مولدها آمس عليكم ولدي قطع عالحيطان ومن حزني قطع مصبوغ أسودها آنه آجمل قصيده بدفتر السياب يقرأها الجبل والهور رددها كحل عيني غزل ورموشي موالات وسيوف الكحل برموشي مبردها آنه بلقيس دولة بحضرة سليمان آنه اول خبر بشفاف هدهد ها آنه أغنى مدينة أفقر البلدان وظل سوط الفقر كل ساع يجلدها آنه أربات المضايف والحجي الموزون آنه أم الشعر لوردت تنشدها ماهزيت آبني ولا غفه بكاروك صاحتله المنصة وراح يصعدها خشم سمره وقدر الفشك من آثور ماحب المواضع ولابد بسدها المواضيع بيه تلبد من يصير ازماط خاف يكول واحد غيره ماعدها
